لــ ع ــيون عشآق طلآل الرشيد " الملتآع "..

..{الريـــم · منذ /14-12-2009, 08:55 AM

ســـــــــــــــــــــــــــــــــلآموو ..

حبيت آنقل لكم مجموعهـ من قصآيد الملتآع .. طلآل الرشيد ( الله يرحمه)

آتمنى نقلي ينآل آعجآبكم .. ..

7
7
7

أموت من فرقاك

أموت من فرقاك وأمـوت بلقـاك
وأموت من جورك وأموت بحنانك
كل قضاه يمـوت مـره ويفـداك
وأنا أموت ألفيـن مـره عشانـك
أذكرك لا من نسيت إنـي أنسـاك
وأنساك لامنـي ذكـرت نسانـك
رضيت أنا بالهم لرضاك مرضاك
وأرخصت لك قلب جرحته وصانك
أجيك في صدري عتاب و أبجفاك
وأرجع ألوم الوقت وأقـول خانـك
أحب فيك إحساسي إني بل بلا ماك
في عز خوفي منك أحس بأمانـك
عجزت أفرق بين وصلك وفرقاك
ياللي عطيت الناس بإيدك حنانـك
مرة تجيني لين أقول إنـي إيـاك
ومرة تروح بعيد وأنسـى أوانـك
أقبل وتقفي وأعتذر عـن خطـاك
وأقول مـا عيـت عيـى زمانـك
وإن خانتك دنياك أو خنت دنيـاك
إرجع وتلقا بـي مكانـك مكانـك

7
7
7

بعض أحوال

أنا مقدر أكون .. اني حبيب في بعـض أحـوال
أنا كلي أجـي .. و الا أروح بعزتـي .. كلـي
تخيرت الفراق و مادريـت إن الفـراق وصـال
أقول اني نسيتك بس مدري كيـف تاصـل لـي
خذاني لك سؤال في عيونـك و الجـواب محـال
خذاني منك دمع فـي عيونـي مارضـى ذلـي
رحلت انت و تركت بداخلي طيفك و صبر طـال
غدت ذكراك شمس ما تغيب و صورتـك ظلـي
حكيت و مالقيت مـن الحكـي الا النـدم مـوّال
سكت و مت بالحسره و لا ادري و شهو احسن لي
أحبـك كـل مافينـي يحبـك يـا خلـي البـال
تخيلتك دواي و صرت جرحي الصعب يا خلّـي
تعبت أرحل مع وجيه البشر بانسـاك بالترحـال
و لا ادري وش يجيبك في وجيه الناس و اهلّـي

7
7
7

( لاتلمس الجرح )

لا تلمس الجرح يا معود وصبح عـزوم"
"البرد فتق ضلوعي وانـت دوار iiصيـت

ضيعت عمري اطاول في حزومي رجوم"
"وايست اباقول كل الشعر في شطر iiبيت

لا الوقت وقتي ولا حلومي تطيع iiوتنـوم"
"ولا الركايب وحادي العيس ترضيه iiليت

ذهايب الذود راحت مع ذواهيـب قـوم"
"لا صار لك الف قوماني فلك الف iiبيـت

ترى اصعب الموت موت يذبحك كل iiيوم"
"واصعب حياتك تعيش وانت جواك iiميت

اواه يا طول عمري لا حسبـت iiالهمـوم"
"يا كني اكبر من الدنيـا ولا قـد شكيـت

علمك دهاني يا لاقي خير خـل iiالعلـوم"
"اسرجت صفرا من همومي عليها iiحديت

واطلقت للبيد راحلتـي وفـوق iiالنجـوم"
"راسي وانا كل راسي تيه فخر و iiهميت

واقـول للـي يبـي كرامتـي لا تهـوم"
"لا انته ولا الف مثلك يهدم اللـي iiبنيـت

7
7
7

علمتني

علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى

7
7
7

يا زمان الذل

.. زل..

ما بقى في الناس شيمه
وما بقى للعدل خِل
ومن كثر ما حنا صغرنا
صرنا حتى بدون ظِل
صرنا ما نملا المحِل
صرنا أمه تحتقرنا
كل أرذال الأمم
لاتصدق ياعزيزي
بالعروبه والقيم
يا زمان الشيخ بوش
يكفي هزأت المبادىء
يكفي أحرجت العروش
الكرامه يا طويل العمر ما تكفي النعوش
يا زمان البيت الابيض
إنت مالك أمر يرفض
تبغى هذا الدين أطول
تبغى هذا الشرع أعرض
إنت إكتب وإحنا نحفظ
مو غريب
لو نَحَسْب الخبث طيب
ومو غريب
نصرخ ولا من مجيب
ومو غريب
لو يكثر أعداد الأرامل
فبلاد ما ترضى الهوان
وحكومة ما تعرف تجامل
ومو غريب
لو تعتبر حتى عصا الكهل العجوز
أسلحة دمار شامل
يا زمن نهب المتاحف
جانا جيش الحقد زاحف
جتنا لعلوج الزواحف
فتشوا حتى العقول
وأسلحتنا في المصاحف!!
يا زمن أمريكا شكراً
أنتزعت الأقنعه
إنت ازلت الأقنعه
وانكشف وجه النوايا
واتجاه الاشرعه
ما نصدقهم خلاص
وما بقى من نسمعه
كل ذولا إمعه
بس خلك مستريح
الصحيح
يوم هب الحقد من واشنطن ولندن
كذب باسم المسيح
الكل فضل ينحني
وبغداد اختارت تطيح
يا زمان الازمنه خليك شاهد
إحنا مو ناقصنا واحد
هو صلاح الدين
احنا ألف مليون واحد
هم صلاح الدين
حنا بس بعيب واحد
هو.. فساد الدين
يا زمان الذِل
حِــل

قلت لك مالك حِل

وربي صدقت .. فسسسسسسسسسسسسسآد الدين وزمآن الذل .. الله يرحمك ..

بالختآم .. آعذروني ع الآطآلهـ .. بس آحترت مدري وش آنقي كل قصيده آحسن من اللي قبلهآ ..

آتمنى يكون آختيآري عجبكم ..

ودي لكل من قرآء طرحي ..