اشتقت أضمك وأتنفس حنانك

عبوووووووووووووووود · منذ /7-10-2009, 01:54 AM

اشتقت اضمــــــــــك وأتنفس حنانك

.........................واغفى على صــــدرك واناغي خلاياك

وارسم علــــى وجه اشتياقي عشانك

.........................العمر يضحك كــــــــل ما كنت وياك

لي طــــــار من بين الشفايف جنانك

.........................كن الصـــــــدر والقلب شرفه وشباك

مثل الطفــــل تحرج بضحك زمانك

.........................وتبعـــــثر العــــــابك بهـالقلب وأشياك

وليمن تثنى فـ الصــــــدر خيزرانك

.........................آغص/ وأشرق/ وارتبـــــــك /وآتمناك

ما عاد يطــرب مسمعي غير دانك

.........................تذكر..عروقي يــــوم ترقص لمغناك؟!

اطلقت لخيول الامــــــــاني عنانك

.........................واسابق اسراب الســوالف علـى شفاك

وشلون ينبت ف الضلـوع أقحوانك

.........................يا ريحــة اشــــــواق المحبـين لباك :

عاشـــق فناجينه تبـــــي زعفرانك

.........................وما صـــب قهــوة لوعته غير يمناك

مشتــــاق اضمـــك وآتنفس حنانك

.........................واغفى علــى صــدرك وتسهر خلاياك